Haroonkashmiri
Saturday, July 16, 2022
بھمبر سماہنی (پی آئی ڈی)ایس ڈی ایم حافظ محمد علی نے ایک اجلاس کی صدارت کی جس میں سماہنی تحصیل کی حدود میں خالصہ سرکار کی حفاظت،مون سون بارشوں میں نقصانات سے بچاؤ کا جائزہ لیا گیا ہے،اجلاس میں تحصیل دار رب نواز،نائب تحصیل دار پونامحمد نثار،گرداورصابر,محمد لطیف,فضل کریم ودیگر شریک ہوئے،شرکاء کی مختلف تجاویز کے بعد فیصلہ کیا گیا کہ مون سون بارشوں میں انسانی جانوں اور لائیو سٹاک کی حفاظت کے لئے موثر حکمت عملی بنائی جائے گی،اسکے علاوہ بجلی کی تنصیبات سے عوام کو دور رکھا جائے جبکہ خالصہ سرکار کی حفاظت کے لئے محکمہ مال کا جملہ سٹاف فرائض سرانجام دے گا،سرکاری زمین کی حفاظت کو ہر صورت یقینی بنایا جائے گا۔
برنالہ (A7News)ایس ڈی ایم برنالہ راجہ عمر طارق نے جملہ محکمہ جات کو ہدایت کی ہے کہ وہ تحصیل کی حدود میں مون سون بارشوں کے دوران الرٹ رہیں،زمینی کٹاؤ کو بچانے کے لئےضروری اقدامات کریں،عوام الناس سے اپیل ہے کہ وہ ندی نالوں کے قریب نہ جائیں،جانی نقصانات کو بچانے کے لیے پولیس ریسکیو ٹریفک پولیس بھر پور کردار ادا کرے,ڈپٹی کمشنرکے احکامات پر قوانین پرعمل درآمدکروانے میں سختی کی جائے گی
Friday, July 15, 2022
بھمبر(پی آئی ڈی)محکمہ تعلیم آزاد کشمیر کی طر ف سے جاری شیڈول کے مطابق بھمبر میں ناظرہ القرآن تربیتی ورکشاپس کا سلسلہ جاری ہے،اس سلسلہ میں ڈی ای او شفیق اصغر نے اے ای او عبداسلام،اے ای او عبد الرحمان کے ہمراہ سماہنی،بھمبر،برنالہ کا دورہ کیا،اور مجموعی طور پر کارکردگی کو تسلی بخش قرار دیا,تربیتی ورکشاپس کا مقصد معلمین کی تربیت ہے جس کے بعد وہ طلباء کو قرآن کریم کی تعلیم سے روشناس کریں گے،ڈی ای او شفیق اصغر کا کہنا ہے کہ اعلی حکام کی جانب سے ہدایات کے پیش نظر بہترین انداز سے تربیتی ورکشاپس کا انعقاد کیا گیا ہے جس سے سینکڑوں اساتذہ مستفید ہو ئے ہیں۔
Subscribe to:
Posts (Atom)